Jonhard Mikkelsen fekk íslendska heiðursløn

Jonhard Mikkelsen fekk íslendska heiðursløn
Jonhard Mikkelsen fekk í kvøld handað virðisløn Vígdisar Finnbogadóttir fyri arbeiði sítt við Sprotanum
Mynd: RUV.is  
 
15.04.2020 - 21:45

Maðurin handan Sprotan, Jonhard Mikkelsen, fekk í kvøld ein stóran íslendskan heiður. Jonhard Mikkelsen fekk nevniliga handað heiðursløn Vígdisar Finnbogadóttir á hátíðarhaldi í sambandi við 90 ára føðingardag hennara, sum eisini varð sent beinleiðis í íslendska ríkissjónvarpinum. 

Við heiðrinum fylgja seks milliónir íslendskar krónur. 

Hetta er fyrstu ferð, at virðislønin, sum er stovnað í sambandi við at fyrrverandi íslendski forsetin fyllir hálvfems ár í dag, verður latin. Og hon verður latin fyri munaverd avrik máli og mentan til frama. 
 

Ovfarin og ovurfegin

Jonhard Mikkelsen er sera ovfarin av stóra íslendska heiðrinum. Á heimasíðuni hjá Sprotanum skrivar hann:

- Sama hvussu eg seti orðini saman í dag, so raki eg helst ikki akkurát tað, sum eg  fegin vil siga. Orsøkin er tann, at eg eri bæði ovfarin og ovurfegin um somu leið. Ovfarin, tí eg havi ongantíð hugsað tankan, at nakar uttan fyri Føroyar fór at gáa um tað arbeiði, sum eg og míni fólk gera í Sprotanum. Og hjartansfegin um at fáa ein heiður, ið ber navnið á Vígdis Finnbogadóttir.

Spola fram til 17 min og síggj, tá Jonhard Mikkelsen fær handað heiðurslønina HER

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584