- Tíðindi, mentan og ítróttur
Avvísir, at hann ikki hevur avvíst
Avvísir, at hann ikki hevur avvíst
Nevndin í Starvsmannafelagnum hevur ikki viðgjørt uppskotið frá Fíggjarmálaráðnum um at strika lønarhækking
Starvsmannafelagið og Fíggjarmálaráðið undirskriva sáttmála.
10.05.2020 - 15:07
Starvsmannafelagið hevur ein sáttmála við fíggjarmálaráðið, sum er galdandi til 1. oktober næsta ár, og tann sáttmálan heldur Starvsmannafelagið seg til.
Tað staðfestir Súni Selfoss, formaður, í einum tíðindaskrivi.
Seinastu dagarnar eru komið fram, at Fíggjarmálaráðið ynskir at ógilda sáttmálan við Starvsmannafelagið, sum partarnir undirskrivaðu fyrr í ár.
Men formaðurin í Starvsmannafelagnum afturvísir, at nøkur avgerð er tikin í málinum, tí nevndin í felagnum hevur ikki viðgjørt ynskið frá Fíggjarmálaráðnum..
Súni Selfoss vil heldur ikki hava sitandi á sær, at hann skal hava róð framundir, at hann ikki avvísir at ganga ynskinum frá landsstýrismanninum í fíggjarmálum á møti og ógilda sáttmálan.
Er kopiera
Nýggjastu sendingar í ÚV
Nýggjastu sendingar í SV
