Flogfar dottið niður í Pakistan

22.05.2020 - 15:21
AktueltÚtheimurin
Flogfar dottið niður í Pakistan
Enn er ógreitt, hvussu nógv ferðafólk hava latið lív
Flogfarið datt niður í eitt íbúðarøki nærindis floghavnini í Karachi
Mynd: © AP  
 

Eitt ferðafólkaflogfar hjá Pakistan International Airlines datt fyrrapartin niður í eitt íbúðarøki nærindis floghavnini í pakistanska stórbýnum, Karachi.

Tað upplýsir ein talsmaður hjá flogfelagnum sambært loftferðslumyndugleikunum í Pakistan, skrivar Reuters.

Enn er ikki greitt, hvussu nógv fólk lótu lív í flogvanlukkuni.

BBC skrivar, at 98 fólk vóru við flogfarinum, og at eitt fólk kom frá vanlukkuni við lívinum. CNN skrivar, at 107 fólk vóru við flogfarinum, og at 11 teirra komu frá vanlukkuni við lívinum.

Flogfarið, eitt Airbus A320, datt niður í einum íbúðarøki, tríggjar kilometrar í ein landnyrðing úr Jinnah International-floghavnini í Karachi.

Ein talsmaður hjá flogfelagnum sigur, at floghavnin misti sambandið við flogfarið klokkan 14:30 lokala tíð, klokkan 10:30 okkara tíð, sambært BBC.
 

 
Nýggjastu sendingar í ÚV
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Sunnudag 20. september
"Á jólum vóru vit sorgleys".
113610
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Nýggjastu sendingar í SV
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403
Mánadag 7. september
3-2
113184
Mánadag 7. september
3-2
113186