Vindmyllur skulu takast niður um 20 ár

Magn skal taka vindmyllurnar í Flatnahaga niðuraftur um 20 ár, eru myllurnar í andsøgn við ætlaða bygging í økinum tá. 

Livitíðin hjá myllunum er 20 ár.

Ætlanin er at seta seks myllur upp í Flatnahaga í Suðurstreymi. Tær eru nakað størri enn myllurnar í Húsahaga.

Veingjabreiðið er 82 metrar. Myllurnar í Húsahaga eru 67 metrar.

Ikki við í býarvøkstrinum

Flatnahagi er í løtuni ikki við í býarvøkstrinum fyri 2030. Men tað kann hugsast, at eftir 2030 verður økið við í býarvøkstrinum, sigur umsitingin hjá Tórshavnar býráði.

Í sambandi við almennu hoyringina av serstøku byggisamtyktini fyri Flatnahaga komu tríggjar viðmerkingar.

Tær vóru frá NET, Forsvarsministeriets Ejendomsstyrelse og Søfartsstyrelsen, sum hava antennur og sendarar í økinum.

Náttúrufriðingarnevndin hevur givið loyvi til myllurnar, men Yvirfriðingarnevndin hevur ikki svarað enn.