Tveir mánaðir síðani korona seinast varð staðfest

Í dag, 22. juni, eru tveir mánaðir síðani, koronusmittan seinast varð staðfest í Føroyum.

22. apríl vórðu tveir tilburðir staðfestir. Hetta vóru fólk, sum komu til Føroya við flogfari.

Seinast, staðfest varð, at fólk varð smittað í Føroyum, var 6. apríl.

187 vóru smittað

187 fólk høvdu koronu í Føroyum.Tey flestu, 95, vóru í Suðurstreymi.

Síðani koma Norðoyggjar við 45 smittaðum, 21 í Eysturoynni, 12 í Vágum, 11 í Norðstreymi og í Sandoynni og Suðuroynni vóru samanlagt trý smittað.  

Fyrstu ferð, koronusmittan varð staðfest í Føroyum, var 3.mars.

11.943 kanningar eru gjørdar í Føroyum.