10 tilburðir staðfestir aftrat

10 tilburðir av koronusmittuni eru staðfestir aftrat.

Tað vísa nýggjastu hagtøluni hjá corona.fo. av kanningunum, sum vórðu gjørdar mánadagin og í gjár.

Higartil eru átta tilburðir staðfestir í kanningunum, sum vórðu gjørdar mánadagin, og tríggir í gjár. Tann eini tilburðurin frá mánadegnum varð longu roknaður upp í hagtølini fyri í gjár.

Nógv eftir at greina

173 kanningar frá mánadegnum og fleiri enn 1.500 kanningar, sum vórðu gjørdar í gjár,  eru ikki liðugt greinaðar enn. 

Tilsamans eru 109 persónar staðfestir at hava smittuna í Føroyum í løtuni. 

225 fólk hava havt smittuna, men eru frísk nú.  Og fleiri enn 1.000 fólk eru í sóttarhaldi í løtuni.