Als rindaði 127 mió. kr. í lønarískoyti

Lønarískoytisskipanin kostaði Als-grunninum millum 125 og 127 mió. kr.

Í lønarískoyti vórðu goldnar 117,5 mió. kr. Afturat koma so eftirløn og arbeiðsmarknaðargjøld.

Síðani 1.juli hevur landskassin borið kostnaðin, men Als hevur framvegis umsitið skipanina.

Endurgjald úr Trygdargrunninum

Lønarískoytið til fiskimenn fær Als aftur úr Trygdargrunninum. Tað talið er ikki tøkt enn, men tað er ikki stórt, sigur Magni á Deild Olsen, stjóri í Als.

Als skal eisini hava pengarnar, sum eru goldnir pensjónistum í lønarískoyti, aftur. Teir koma úr landskassanum.

Her er talan um góðar tvær milliónir krónir.

637 fólk

Í dag eru 637 fólk í skipanini, sum heldur uppat 31.august.

Skipanin kom 12.mars. Tann 4.apríl vóru 4.320 fólk í henni, men síðani er talið minkað niður í 637, sum tað er í dag.