Amerikonsk fyritøka ment heilivág fyri koronu

Amerikanska fyritøkan, Moderna, sigur seg hava ment heilivág fyri koronu, sum virkaði hjá øllum aldursbólkum, skrivar Bloomberg.

Kanningin vísti, at fólk, sum vóru 55 ár ella eldri, gjørdu líka nógv andevni, sum ungfólk gjørdu, tá tey høvdu fingið heilivágin.

Tey, sum vóru við í kanningini, vóru í trimum aldursbólkum, millum 18 og 55 ár, millum 55 og 70 ár og yvir 70 ár.

Hjá øllum aldursbólkum mentist immunverjan. Tað verður tikið sum eitt gott tekin, tí ofta hava eldri trupulleikar við immunverjuni, og eru tí veikari enn yngri fólk.

Ringastu hjáárini vóru, at fólk kendu seg móð, fingu krím, høvuðpínu og pínu í vøddarnar. men tey árinini hvurvu eftir nøkrum døgum, skrivar Bloomberg.