Frátikið valrætt: 17 fáa valrætt

Týsdagin skal løgtingið viðgera uppskot um at víðka valrættin til kommunuvalið. 

Eftir uppskotinum, sum Helgi Abrahamsen, landsstýrismaður hevur lagt fyri tingið, skulu tey  sum hava fingið rættarliga myndugleikan frátiknan eftir verjumálslógini, hava hann aftur.

Talan er um 17 fólk, vísir uppteljing í fólkayvirlitinum. 

Tað skulu tvær lógarbroytingar til.
 

Megd 
Tað er so, at  Stýrisskipanarlógin ásetur, hvør hevur valrætt til Løgtingið, men ásetur ikki hvør hevur valrætt til kommunuval. 

Kommunuvallógin ásetur tó, at tú skalt lúka treytirnar fyri valrætti og valbæri til Løgtingið, fyri at hava valrætt og valbæri til kommunuval. 

Sambært stýrisskipanarlógini og løgtingsvallógini, hava persónar, sum eru undir verjumáli og hava fingið rættarliga
myndugleikan frátiknan eftir verjumálslógini § 6, ikki valrætt og valbæri til løgtingsval, og tí hevur hesin bólkur av persónum heldur ikki valrætt og valbæri til kommunuval.

Tað er Meginfelagið MEGD sum hevur heitt á landsstýrið um at broyta vallógirnar hesum viðvíkjandi.

Uppskotið skal til 1. viðgerð týsdagin.