Sethúsaprísirnir uttan fyri Havnina hækka

31.08.2020 - 15:21
AktueltSamfelag
Sethúsaprísirnir uttan fyri Havnina hækka
Í miðstaðarøkinum lækkaðu sethúsaprísirnir í fyrsta ársfjórðingi, og færri hús vórðu seld
Í Havnini vóru prísirnir í 1. og 2. ársfjórðingi 20% lægri, enn í sama tíðarskeiði í fjør
Mynd: Bjarni Árting Rubeksen  
 

Prísirnir á sethúsum hækkaðu fleiri staðni í landinum fyrra hálvár, hóast Covid-19 kundi væntast at ávirka bjartskygnið hjá húsarhaldunum.

Serliga eru sethús uttan fyri Havnina seld fyri hægri prís fyrra hálvár í ár, samanborið við meðalprísin í fjør, upplýsir Landsbankin í tíðindaskrivi.

Fyrra hálvár hækkaðu prísirnir meir enn 10% í størru bygdunum og um 30% í smærri bygdunum og í Sandoynni og Suðuroynni,  samanborið við meðalprísin í fjør. Í smáu bygdunum og í Sandoynni og Suðuroynni eru tó lutfalsliga fáar sølur, og tí skal lítið til fyri at ein einstøk søla dregur meðalprísin uppeftir.

Lækkaðu í miðstaðarøkinum

Í miðstaðarøkinum lækkaðu sethúsaprísirnir í fyrsta ársfjórðingi, og færri hús vórðu seld.

Í Havnini vóru prísirnir í 1. og 2. ársfjórðingi 20% lægri, enn í sama tíðarskeiði í fjør. Í øðrum ársfjórðingi lagaðu prísirnir seg tó aftur, og seinastu metingarnar vísa, at meðalprísurin nú nærkast 3,2 mió. kr. í Havnini.

Tey dýrastu 5% av húsunum, ið eru seld í Havnini hetta fyrsta hálvárið, eru farin fyri meira enn 4 mió. kr.

Prísurin er hækkaður nógv í Havn seinastu árini, og í fjør hækkaði prísurin 25 prosent, samanborið við árið fyri.

Meðalprísurin fyri íbúðir í Havnini er hækkaður 400.000 krónur fyrra hálvár, samanborið við í fjør. Tá var meðalprísurin um tvær milliónir kr. Fermetraprísurin fyri íbúðir í miðstaðarøkinum er nú 28.000 kr.

Ikki so meint rakt

Landsbankin heldur, at sum heild tykjast húsarhaldini ikki at vera so meint rakt fíggjarliga av koronusjúkuni. Tað kemur millum annað av, at inntøkugrundarlagið hjá fólki, ið hava verið heima, er tryggjað av almennum hjálparpakkum og við stuðuli frá bankunum, ið hava boðið sínum viðskiftafólki avdráttarskáa.

Tað ger, at keypiorkan ikki broyttist fyrra hálvár. Tað samsvarar eisini við seinastu brúkarakanningina hjá Hagstovuni, ið vísir, at húsarhaldini ikki meta sína egnu fíggjarstøðu fara at versna, hóast útlitini fyri samlaða búskapin síggja verri út í treystikanningini hjá Hagstovuni, skrivar Landsbankin.

Er kopiera
Nýggjastu sendingar í ÚV
Mánadag 25. oktober
Morgunlestur mánadagur 25.oktober 2021
130309
Sunnudag 24. oktober
Bolero
130328
Sunnudag 24. oktober
Meg Minnist
130322
Sunnudag 24. oktober
Guðstænasta í Havnar kirkju.
130316
Sunnudag 24. oktober
Credo: Sum hjørtur hyggur tráandi
130257
Nýggjastu sendingar í SV
Sunnudag 24. oktober
Andaktin
130329
Fríggjadag 22. oktober
í Luftini við Daniu O. Tausen
130270
Hósdag 21. oktober
Hin gloymda oyggin - seinni partur
130217
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065