Norrøna skal nútímansgerast

Norrøna skal nútímansgerast.

19. desembur fer Norrøna í dokk á Fayard-skipasmiðjuni í Munkebo í Danmark, har arbeiðið skal gerast. 

- Tørvur er á fleiri kømurum og hentleikum uttandura, sigur Rúni Vang Poulsen, stjóri í Smyril Line.

Ætlanin er at gera umleið 50 tvímanskønur aftrat. Nýggj café verður gjørd á 10. dekki, og haraftrat verður eitt nýtt øki við sofum og stólum til ferðafólkini.

Størri krøv

- Tíðirnar eru nógv broyttar, síðan Norrøna kom í flotan fyri 17 árum síðani. Tá vóru krøvini frá kundum ikki tey somu, sum tey eru í dag. Tí er alneyðugt, at vit fylgja rákinum og teimum krøvum, ið kundarnir hava, sigur Rúni Vang Poulsen.

Norrøna kom í flotan í apríl 2003, og síðani er skipið dagført í smáum. 

- Nú er tíðin komin til eina størri nútímansgerð og at framtíðartryggja Norrönu, ið er einasta ferðafólkaskipið, sum er í fastari leið í Norðuratlantshavi, sigur Rúni Vang Poulsen, stjóri í Smyril Line.

Norrøna fer aftur í sigling 6. mars, tá farið verður úr Hirtshals til Føroya.