Ungfólk fáa ókeypis sálarfrøðiliga viðgerð

Fólk, sum eru millum 15 og 35 ár, kunnu skjótt fáa ókeypis sálarfrøðiliga viðgerð fyri angist ella lætt til moderat tunglyndi.

Tað sigur eitt lógaruppskot, sum Kaj Leo Holm Johannesen, landsstýrismaður, legði fyri løgtingið í gjár.

Talan er um eina roynd í trý ár.

Hon kostar í miðal tríggjar milliónir krónur um árið, og skal byrja longu í ár. Í ár eru játtaðar 1,8 mió. kr.

Uppskotið er gjørt eftir tilmæli frá einum arbeiðsbólki, sum skrivaði álit í fjør.