Rindaði 190 mió. kr. í skaðaendurgjaldi

Betri trygging rindaði 190 mió. kr. í skaðaendurgjaldi í fyrra hálvári. 

Hetta eru 60 mió. kr. meira enn í fyrra hálvári í fjør.

Orsøkin er korona, men ikki bara hon. Ódnarveðrið um mánaðarskiftið februar/mars kostaði eisini Betri trygging nógv. 

1.427 fleiri skaðar

Í fyrra hálvári í ár eru 1.427 fleiri skaðar fráboðaðir enn í fyrra hálvári í fjør. Teir vóru 7.227 í ár.

Betri trygging hevði kortini avlop í fyrra hálvári. Tað var átta milliónir krónur fyri skatt. 

Í fyrra hálvári í fjør hevði Betri trygging góðar 77 mió. kr. í vinningi fyri skatt.