Nú byrjar semingsroyndin. Langt millum partarnar

Mánadagin klokkan tíggju byrjar semingsroyndin í sáttmálatrætuni millum Lønardeildina hjá Fíggjarmálaráðnum og felagið hjá sjúkrarøktarfrøðingum.

Semingsroyndin verður á hotel Føroyum.

Semingsstovnurin varð boðsendur fyri góðari viku síðani, tí Fíggjarmálaráðið og felagið hjá sjúkrarøktarfrøðingunum kundu ikki finna semju um nýggjan sáttmála.

Semingsmenninir hava nú í vikuni havt fundir við partarnar hvør sær. 

Seinnapartin í gjár var fundur við sjúkrarøktarfrøðingarnar, og eftir tann fundin tók Semingsstovnurin samanum.

Terje Sigurðsson, semingsmaður, sigur at langt er millum partarnar.