Vørn eykajáttan fyri semju í sakarmáli

Løgtingið er biðið um at játta Fiskimálaráðnum 250.000 krónur, tí Vørn hevur havt serútreiðslur í sambandi við, at semja varð gjørd í sakarmálinum móti partafelagnum Driftini í Gøtu og í sakarmálinum Driftin móti Fiskimálaráðnum.

Málið er gamalt og er um eina landing hjá Jupiter, sum Driftin átti, í Danmark. Danska fiskiveiðueftirlitið segði, at samsvar var ikki millum tað, sum skipið landaði og segði seg hava av fiski.

Ikki bar til at prógva hetta, og eftir drúgva viðgerð hjá Vørn varð niðurstøðan tann, at best var at loysa málið við semju.