Eldradepil gerast í Kollafirði

Ein eldradepil skal byggjast í Kollafirði. Á býráðsfundinum í kvøld skal Tórshavnar býráð taka støðu til eitt uppskot um at játta tvær milliónir krónur næsta ár til byggiskrá og projektering.

Sambýlið í Kollafirði er ikki tíðarhóskandi longur, og tað er eisini alt ov lítið. Har eru sjey pláss. Sambært virksemisætlanini, sum varð gjørd í 2017, um eldradepilin skal pláss vera fyri 24 til 30 fólkum.

Tá er talan um røktarbúpláss, stutttíðarpláss og røktaríbúðir umframt dagtilhald og venjingarumstøður.