Fulltrúi i Fiskimálaráðnum forseti í NEAFC

Janet S. Nørregaard, fulltrúi í Fiskimálaráðnum, er vald til forseta í NEAFC. Hon tekur við á nýggjárinum.

Hon er fyrsti føroyingur, sum verður forseti í NEAFC. Og hon er eisini fyrsta kvinnan, sum er vald til forseta í NEAFC.

NEFAC umsitur fiskiskapin í landnyrðingspartinum av Atlantshavinum.

Ikki loyvt at fiska kongafisk

Nú er ikki loyvt at fiska kongafisk í Irmingarhavinum.

ICES hevur í nøkur ár mælt frá at fiska kongafisk í Irmingarhavinum, men Russland hevur ikki tikið undir við tí.

Men á ársfundinum hjá NEAFC, sum júst hevur verið, varð uppskot frá Føroyum, Grønlandi og Íslandi um ikki at loyva kongafiskafiskiskapi í 2021 samtykt.

Búrfiskur eisini bannaður

Og nú er eisini bannað at fiska búrfisk.

ES vil ikki hava hendan fiskiskapin, men higartil hevur ikki eydnast ES at fáa forboð, tí Føroyar við stuðli frá øðrum londum hava forðað fyri tí.

Men tað eydnaðist ikki í ár. Nú verður bannað at fiska búrfisk á altjóða sjógvi.