Málið um byggiloyvið hjá KOKS tikið av skrá

27.11.2020 - 07:17
AktueltVinna
Málið um byggiloyvið hjá KOKS tikið av skrá
Tórshavnar býráð tók ikki støðu til serstøku byggisamtyktina fyri Fossdalsgjógv í gjárkvøldið
 

Tórshavnar býráð tók ikki støðu til serstøku byggisamtyktina fyri Fossdalsgjógv í gjárkvøldið.

Málið varð tikið av skránni fyri býráðsfundin.

Orsøkin er, at málið skal til hoyringar í Kirkjubøar- og Velbastaðarnevndini. Har hevur tað ikki verið, men fer hagar nú.

Matstovan Koks hevur søkt um byggiloyvi í Fossdali á Velbastað.

Men áðrenn byggiloyvi kann latast, má serstaka byggisamtyktin fyri Fossdalsgjógv broytast.

Umsitingin og Byggi- og býarskipanarnevndin hjá býráðnum mæla til at broyta byggisamtyktina.

Men treytin er, at avvarðandi myndugleikar geva loyvi.

Festarin skal spyrjast

Búnaðarstovan mælti fyrst frá at umskipa lendið undir Syðradalsvegnum norðan fyri Fossdalsgjógv til aðra nýtslu enn landbúnað.

Umsókn er um byggiloyvi til ein køst í Fossdali, har sum Koks hevur søkt um byggiloyvi.

9.september í ár gav Búnaðarstovan tó tilsøgn um, at Búnaðarstovan er sinnað at avhenda økið til annað endamál enn landbúnað, um so er, at byggisamtyktin verður broytt.

Búnaðarstovan vísir á, at tá umsókn um at keypa lendið kemur, verður hon send til hoyringar hjá festaranum á staðnum, sum eisini hevur møguleika at kæra eina avgerð hjá Búnaðarstovuni um sølu til landbúnaðarstevnu.

 
Nýggjastu sendingar í ÚV
Týsdag 19. januar
Breddin
119145
Týsdag 19. januar
Óhoyrt
119143
Týsdag 19. januar
Tempo
119133
Týsdag 19. januar
Góðan morgun Føroyar 19.01.2021
119121
Nýggjastu sendingar í SV
Mánadag 18. januar
3-2
119108
Sunnudag 17. januar
Andakt við Jens Bech
119046
Sunnudag 17. januar
Guðstænasta í kirkjuni við Norðskála
119037
Mikudag 13. januar
Mentanarvirðislønir landsins 2020
118890