Nýggi Pison komin til landið

Í gjár kom nýggi Pison á Klaksvík. Skipið skal avloysa gamla Pison, sum er frá 1961. Vegna koronu var eingi almenn móttøka, og fólk sluppu ikki umborð. 

Skipið er bygt í Vági í 1987, kallaðist Vestfart og hoyrdi heima á Eiði í fleiri ár. Skipið er 40 metrar langt, níggju metrar breitt og lastar umleið 245 tons. 

Tað er Sp/f Miðdalsenni av Viðareiði, ið hevur keypt frystilínuskipið úr Norra. Skipið at Nyvoll Senior. 

Rigga nú til

Eyðstein Sørensen er stjóri í felagnum og skipari á Pison. Hann sigur við Norðlýsið, at nú verður riggað til, og at ætlanin er at fara avstað um einar 10 dagar. 

Umframt at vera frystilínuskip, er møguleiki eisini at samantvinna tað við at hava feskt til dømis upp undir endan á túrinum, tí skipið hevur tvær lastir.

Pison fer at royna undir Føroyum, á Flemish Kap og í Grønlandi. 15 mans vera við skipinum, skrivar Norðlýsið.