Uppskot um autismuheim komið í løgtingið

Lógaruppskotið um heimið til børn og ung við autismu, sum skal byggjast í Kvíggjartúni á Argjum, er komið í løgtingið.

Uppskotið sigur, at heimið má í mesta lagi kosta 39 mió. kr.

Málið er nøkur ára gamalt.

Í lóg frá apríl 2018 vóru 29 mió. kr. Men tað var alt ov lítið.

Endaði á 39 mió. kr.

Tá verkætlanin varð boðin út í januar í fjør, var kostnaðarmetingin 41 mió. kr. 

Og tá tilboðini komu, fór prísurin upp um 56 mió. kr.   

Landsstýriskvinnan í almannamálum tók ikki av nøkrum tilboði.

Nýggj verkætlan varð gjørd og boðin út. Og nú ber til at byggja fyri 39 mió. kr.