Gera íløgur á Sandsvág fyri 40 mió. kr.

Mowi Faroes fer at gera íløgur fyri 40 mió. kr. á Sandsvág í ár, sigur felagið í tíðindaskrivi í dag. 

Ein nýggjur fóðurflaki er keyptur, og hann kemur í mai. Harumframt hevur Mowi keypt fimm nýggjar aliringar, sum eru 200 metrar. Tilsamans vera nú átta ringar, sum fara at ala góð 4.000 tons av laksi á Sandsvág.

Undanfarin ár er íløga gjørd í tríggjar ringar umframt alibát fyri umleið 20 mió. kr.

Mowi hevur í fleiri ár kannað Sandsvág og hevur gjørt royndir.

Hava flutt ringarnar longri inn

Sandsvág er eitt harðbalið øki, sum er nógv ávirkað av stórari aldu og streymi. Eftir tvær miseydnaðar royndir, heldur Mowi seg hava funnið rættað staðið at ala á. Ringarnir eru fluttir inn á vánna fyri at verja fyri stórari aldu, og tað hevur eydnast. 

Fyrsta veruliga alingin var seinasta árgang, tá góð 2.000 tons vórðu ald.

Hesin laksurin varð tikin síðsta heyst. Nú er ætlanin at tvífalda alingina upp í góð 4.000 tons, sigur Mowi Faroes.