Íslendska løgreglan kannar feløg í Føroyum

Íslendska løgreglan kannar feløg í Føroyum
Eftir Dag og Viku í annaðkvøld kemur ein sending um, hvussu Føroyar eru blandaðar upp í muturgøluna í Namibia
Sendingin "Teir ómettiligu" kemur eftir Dag og Viku í annaðkvøld
 
08.03.2021 - 12:52

Íslendska løgreglan kannar føroysk feløg, eftir at tað varð avdúkað, at íslendska felagið, Samherji, hevði mutrað embætisfólk í Namibia.

Tað váttar Taks fyri Kringvarpinum. 

Tað var í 2019, at túsundtals skjøl um virksemið hjá Samherja í Namibia, vórðu almannakunngjørd á síðuni wikileaks, sum kallast FishRot. 

Jóhannes Stefansson, fyrrverandi stjóri fyri namibiska virkseminum hjá Samherja, valdi tá at almannakunngera skjøl, sum góvu illgruna um, at Samherji hevur brotið fleiri lógir í royndini at faá fatur á namibiskum kvotum. 

Muturgølan hevur síðani havt við sær, at politimál eru reist í fleiri londum. Í Namibia eru fleiri leiðandi fólk hjá Samherja ákærd, og tey skulu fyri rættin í næstum. 

Biðið Taks um hjálp

Íslendska løgreglan kannar framvegis málið,  og hevur heitt á Taks um at fáa hjálp við at kanna føroysku feløgini sum Samherji eigur í, fyri at fáa greiðu á, um feløgini hava verið uppi í muturgøluni í Namibia. 

Tað eru trý feløg, sum Samherji hevur stovnað í Føroyum, um onnur dótturfeløg á Kypros. Feløgini eita Tindhólmur, Harengus og Scombrus. 

Í annaðkvøld sendir sjónvarpið hjá Kringvarpinum dokumentarsendingina "Teir ómettiligu," sum m.a. snýr seg um, hvussu Føroyar eru blandaðar upp í muturgøluna í Namibia.

Sendingin kemur eftir Dag og Viku í annaðkvøld.

Er kopiera
Nýggjastu sendingar í ÚV
Mánadag 21. apríl
Guðstænasta í Havnar kirkju.
190898
Mánadag 21. apríl
Credo: "Bert ein dag..." 2:2
190874
Sunnudag 20. apríl
Bolero - 20. apríl 2025
190884
Sunnudag 20. apríl
Credo: "Bert ein dag..." 1:2
190873
Nýggjastu sendingar í SV
Mánadag 21. apríl
Guðstænasta úr Havnar kirkju
190896
Mánadag 21. apríl
Anna FD 564
190890
Mánadag 21. apríl
Andakt
190889
Sunnudag 20. apríl
Guðstænasta úr Glyvra kirkju
190878
Fríggjadag 18. apríl
Knútsfagnaður
190859