Vetrardekk á øllum hjólum kosta nógv

Tað fer at kosta vinnuni sera nógv, um eitt krav um vetrardekk í uppskotinum um kunngerð um dekk verður standandi.

Í uppskotinum stendur, at vetrardekk kunnu bara brúkast, um tey eru á øllum hjólum.

Hendan ásetingin er sera óheppin, sigur Vinnuhúsið.

Bilar yvir 3.500 kg. kunnu hava summardekk framman og vetrardekk aftan. 

Hava ikki somu dekk á øllum akslum

Tað hevur alstóran týdning, at hesin møguleikin heldur fram, tí ofta vera vetrardekkini brúkt, til tey eru uppslitin í summarhálvuni, og so vera summardekkini sett undir á ein aksil í senn. 

Og tað er sera vanligt, at bussar og lastbilar ikki hava somu dekk á øllum akslunum, sigur Vinnuhúsið. 

Skulu vetrardekk vera á øllum hjólum, fer tað at kosta eini miðalstórari fyritøku sera nógv, sigur Vinnuhúsið.

Vinnuhúsið heldur eisini, at loyvt skal vera at brúka píkadekk til 15.mai í staðin fyri 30.apríl.