Italia letur aftur

Italia er rakt av eini nýggjari bylgju av koronusmittu, og landið fer tí at seta nógvar avmarkingar í gildi, sigur forsætisráðharrin, Mario Draghi.

Alt fleiri eru vorðin smittað seinastu seks vikurnar í Italia. Nú er talið komið upp um 25.000 smittað um dagin, skrivar BBC. 

Í morgin, mánadagin, lata handlar, matstovur og skúlar aftur í meira enn helvtini av landinum. Á páskum letur alt landið aftur í tríggjar dagar.