Fleiri lond gevast við AstraZeneca-koppseting

Alsamt fleiri lond gevast við at nýta koppingarevnið fyri koronu frá AstraZeneca. Teirra millum eru Lettland og Venesuela, skriva NRK og Ritzau.

Lettland gav sunnudagin boð um ikki at nýta eina ávísa sending av heilivági frá AstraZeneca, tí ivi var um koppingarevnið, men í gjár góvu myndugleikarnir boð um at gevast við at nýta koppingarevnið í tvær vikur.

Í Venesuela skuldi koppingarevnið hjá AstraZeneca takast í nýtslu nú, men myndugleikarnir hava gjørt av, ikki at fara undir at nýta evnið frá AstraZeneca, og tað er av tekniskum ávum, sigur varaforsetin í landinum, Delcy Rodriguez.