Atlantic Petroleum 112 milliónir í halli

Atlantic Petroleum hevði 112,6 milliónir krónur í halli eftir skatt í fjør, næstan dupult so nógv sum í 2019, tá nettohallið var 63,8 milliónir.

Størsti parturin av hallinum í fjør kom í fjórða ársfjórðingi, góðar 89 milliónir krónur. Ogn felagsins var 30,8 milliónir krónur við árslok 2020.

Eitt ár frammanundan var hon 147,4 milliónir. Partabrævið í Atlantic Petroleum varð selt fyri 5,90 krónur, tá 2020 byrjaði, og fyri 4,63 krónur, tá árið endaði.

Vænta at oljuprísurin hækkar

Felagið hevur vónir um betri fíggjarstøðu í 2021, millum annað væntar felagið, at oljuprísurin hækkar og meira fæst úr Orlandokelduni.

Á aðalfundinum hjá Atlantic Petroleum 23. apríl er uppskot um at velja Ben Arabo, Mourits Joensen og Mark T. Højgaard í nevnd felagsins.

Tríggir nevndarlimir eru í felagnum.

Ben Arabo er formaður nú. Næstformaður er Kaj Johannesen. Mark T. Højgaard á Skála er stjóri.