Jákup Sverri skal hava nýggjan skipara

Havrannsóknarskipið, Jákup Sverri, skal hava nýggjan skipara.

Skiparin, sum bleiv settur í fjør summar, fer í annað starv.

Skiparin hevur høvuðsábyrgdina av skipinum. Viðkomandi skal hava skipsføraraútbúgving, og stórur dentur verður lagdur á, at umsøkjarin hevur fiskiroyndir við trolara og royndir undir Føroyum, stendur í lýsingini frá Havstovuni.

Starvið verður sett eftir sáttmála millum Skipara- og navigatørfelagið og Fíggjarmálaráðið.

Umsóknarfreistin er 28. apríl.