- Tíðindi, mentan og ítróttur
Politiið væl fyrireikað til dystin millum HB og Brøndby
Politiið væl fyrireikað til dystin millum HB og Brøndby
Løgreglan greiðir Brøndby-fjepparum frá, hvussu teir eiga at skikka sær, og hon er eisini sjónlig í havnargøtum
Politiið verður eisini sjónligt í havnargøtum í sambandi við fótbóltsdystin í kvøld. (Savnsmynd: Bjarni Árting Rubeksen)
24.07.2025 - 08:09
Politiið sigur seg vera til reiðar, nú minst 500 Brøndby-fjepparar eru komnir ella koma til Føroya í sambandi við dystin móti HB í kvøld.
Politiið er á flogvøllinum, tá fjeppararnir koma, og greiða teimum frá, hvussu teir eiga at skikka sær, meðan teir eru her.
Politiið leggur eisini dent á at vera sjónligt í havnargøtum.
Millum annað var politiið væl mannað á Skálatrøð í gjár, tá nógv Brøndbyfólk vóru í Glitni og Irish pub.
Skeinkistøðini hava loyvi til at hava opið til klokkan tvey um náttina.
Politiið er betur fyrireikað í ár enn í fjør, tá Hadjuk Split úr Kroatia var her.
Friðarligt
Einki hevur tó verið, sum kravdi, at politiið legði uppí, sigur politiið.
Brøndby fekk 500 atgongumerki til dystin í kvøld, og bað um fleiri.
Politiið er betur fyrireikað í ár enn í fjør, tá Hadjuk Split úr Kroatia var her.
Tað hevur lært av teimum royndunum.
Poliitið í Føroyum hevur fingið hjálp úr Danmark at halda skil á, nú Brøndby er í Havn.
Er kopiera
Nýggjastu sendingar í ÚV
Nýggjastu sendingar í SV
