Betri Pensjón 8,5 mió. kr. í avlopi

Betri Pensjón hevði 8,5 miliónir krónur í avlopi eftir skatt í fjør. Betri Pensjón ætlar nú bara at gera íløgur í feløg, sum taka burðardygd í álvara. 

Longu nú er meira enn helvtin av íløgunum, okkurt um 60 prosent, sett í feløg, sum hava burðardygd sum eyðkenni.

Men málið er, at allar íløgurnar um trý til fimm ár skulu stiðja undir grønu kósina, sigur Helgi L. Petersen, stjóri í Betri Pensjón.

Góð útlit

Hann fegnast um, at útlitini fyri 2021 eru góð.

– Fyrsti ársfjórðingur í 2021 hevur gingið sera væl, og partabrøvini hava givið góð níggju prosent í avkasti. 

Eginognin hjá Betri Pensjón er 83,8 milliónir krónur. Tryggingarinntøkurnar í fjør vóru slakar 170 milliónir krónur.