Havila og Sæborg teknaðu nýggja partapeningin

Norska felagið Havila Holding og smápartafelagið Sæborg teknaðu nýggja partapeningin í Skansa Offshore. Bæði feløgini vóru millum stóru partaeigarar frammanundan.

Havila setti 8,7 milliónir krónur í Skansa Offshore og Sæborg góðar 21 milliónir krónur. Avgerðin um nýggjan partapening varð tikin á eykaaðalfundi 20. apríl.

Tríggir menn vóru á fundinum, Tummas Osmundarson Justinussen, nevndarformaður, sum hevði fulltrú til at umboða Havila Holding, Jens Meinhard Rasmussen, stjóri, og Niels Winther Poulsen, advokatur.

Skansi Offshore brúkti allan partapeningin, sum var í felagnum, 86,3 milliónir krónur, til at gjalda skuld.