- Tíðindi, mentan og ítróttur
Smáar 30 milliónir í nýggjum partapeningi
Nakrar broytingar eru gjørdar í Skansa samtakinum fyri stuttum.
Norska felagið Havila Holding og smápartafelagið Sæborg teknaðu nýggja partapeningin í Skansa offshore.
Bæði feløgini vóru millum stóru partaeigarar frammanundan.
Havila setti 8,7 milliónir krónur í Skansa offshore og Sæborg góðar 21 milliónir krónur.
Skansi Offshore brúkti allan partapeningin, sum var í felagnum, 86,3 milliónir krónur, til at gjalda skuld.
Og partapeningurin í SK Invest, sum broytti navn til Skansi Ship Invest, er hækkaður úr 600.000 krónum upp í 41,2 milliónir krónur.
Partafelagið 6. september 2006, sum er dótturfelag hjá Skansa Offshore, teknaði nýggja partapeningin.
Partafelagið 12.11.11, sum eigur meirilutan í Smyril Line, 59,5 prosent, átti SK Invest og SK Invest II, sum bæði vórðu stovnað fyrr í ár.
SK Invest II eitur nu Eldborg Invest, og partapeningurin er hækkaður úr 500.000 krónum upp í sjey milliónir krónur.