Fleiri ferðamál eru nú á gula lista

Nú verður lættari at ferðast til nøkur av vanligu ferðamálunum í Suðurevropa. Danska uttanríkisráðið hevur í dag kunngjørt fleiri býir og oyggjar, sum nú eru á gula listanum. 

Tað merkir, at tað ikki longur er neyðugt at fara í sóttarhald, tá komið verður aftur av ferð.

Malta er einasta landið, har sóttarhaldið verður strikað, men eisini portugisisku oyggjabólkarnir, Asorurnar og Madeira, eru nú gulir. 

Spania eisini gult

Harumframt eru fleiri økir í Spania nú litað gul. Harímillum eru Kanarisku oyggjarnar, Balearioyggjarnar, Valensia, Murcia, Galisia, Asturia, Ceuta og Extremadura.

Fráboðanin hjá danska uttanríkisráðnum kemur stutt eftir, at Bárður á Steig Nielsen, løgmaður, í dag boðaði frá, at kravið um fýra dagar í heimauppihald fyri ferðandi til Føroya verður strikað. 

Við heimasíðuna in.fo sigur Jóhanna á Bergi, stjóri í Atlantic Airways, at hesar broytingarnar merkja, at Atlansflog í juli fer at flúgva eina ferð um vikuna til Mallorka.