Eingin avgerð tikin um steðgandi virknað

Eingin avgerð tikin um steðgandi virknað
Magn hevur biðið Vinnukærunevndina um at steðga arbeiðinum á Gellingarkletti at seta vindmyllur upp, meðan teirra kæra verður viðgjørd
 
18.05.2021 - 11:29

Vinnukærunevndin hevur ikki enn avgjørt, um kæran hjá Magn um loyvið at seta upp vindmyllur á Gellingarkletti fær steðgandi virknað.

Tað hevur Magn biðið um.

Tann umbønin er í løtuni hjá hinum pørtunum, Umhvørvisstovnuni og Vindrøkt, til viðmerkingar.

Fær kæran steðgandi virknað, noyðist Vindrøkt at gevast við arbeiðinum á Gellingarkletti til kæran er avgjørd.

Viðgera vindmyllurnar av nýggjum
Yvirfriðingarnevndin fer í dag at viðgera vindmyllurnar á Gellingarkletti.

Yvirfriðingarnevndin gav av fyrstan tíð loyvi til myllurnar á Gellingarkletti.

Men tá vóru tær minni enn tær eru vorðnar nú. Og stóru myllurnar vildi Yvirfriðingarnevndin ikki góðtaka. 

Vindrøkt bað nevndina viðgera málið av nýggjum. Og tað fer nevndin at gera í dag.

Hon hevur fingið nýtt tilfar um málið, sigur Henrik Møller, nevndarformaður. 

Hann kann ikki siga, um nøkur avgerð verður tikin í dag. 

Er kopiera
Nýggjastu sendingar í ÚV
Leygardag 20. apríl
Upp á tá - 190424
173986
Leygardag 20. apríl
Vikan 20.apríl 2024
173982
Leygardag 20. apríl
Morgunlestur leygardagur 20. apríl 2024
173397
Fríggjadag 19. apríl
Vikuskiftið 19 apríl 2024
173966
Fríggjadag 19. apríl
Breddin: Ov nógv børn verða send av landinum
173951
Nýggjastu sendingar í SV
Fríggjadag 19. apríl
Veðrið
173964
Fríggjadag 19. apríl
Dagur og vika - teknmálstulkað
173933
Hósdag 18. apríl
Mett fyri minni (3:3)
173887