Ríkisfundur verður hósdagin

Árligi ríkisfundurin verður á Marienborg hósdagin, tá ið teir tríggir stjórnarleiðararnir í ríkisfelagsskapinum Mette Frederiksen, Múte Borup Egede, og Bárður á Steig Nielsen, fara at umrøða mál av felags áhuga.

Eftir ríkisfundin verða uttanríkis- trygdar- og verjumál viðgjørd.

Á hesum fundinum verða teir tríggir stjórnarleiðararnir Jeppe Kofod, uttanríkisráðharri, Jenis av Rana, landsstýrismaður í uttanríkis- og mentamálum, Pele Broberg, landsstýrismaður í vinnu-, handils-, uttanríkismálum, Nick Hækkerup, løgmálaráðharri, Jørgen Niclasen, landsstýrismaður í fíggjarmálum og Trine Bramsen, verjumálaráðharri.

Eftir fundirnar verður skipað fyri tíðindafundi.