863 fólk fleiri seinasta árið

863 fleiri fólk búðu í Føroyum 1.mai í ár enn 1.mai í fjør. Vøksturin er 1,6 prosent.

1.mai búðu 53.305 fólk í Føroyum. 

Frá 1.januar til 1.mai komu 380 fólk afturat fólkatalinum. Nettoflyting er 275 fólk og burðaravlopið 105.

Tær stóru kommunurnar, Tórshavnar kommuna, Klaksvíkar kommuna, Runavíkar kommuna, Eysturkommuna og Nes kommuna, eiga 79 prosent av vøkstrinum í fólkatalinum, upplýsir Hagstovan.
 
Fólkatalið er minkað í níggju kommunum.