Landaðu 54.000 tons av svartkjafti uttanlands

11 føroysk skip landaðu svartkjaft uttanlands í vár.

22 landingar vóru, og landað vóru 54.258 tons.

Nógv tær flestu landingarnar vóru í Danmark.

Ein var í Íslandi, har sum Tróndur í Gøtu landaði 2.530 tons. Og Næraberg landaði eina ferð í Niðurlondum, 2.966 tons.

Tvey skip landaðu fýra ferðir í Danmark, Arctic Voyager og Katrin Jóhanna. Og Gøtunes og Fagraberg landaðu tríggjar ferðir í Danmark.

Gøtunes landaði mest uttanlands, 9.146 tons.

Kunngerðin farin úr gildi

Kunngerðin um undantak frá at landa svartkjaft í Føroyum fór úr gildi í gjár.

Undanfarin ár er hetta loyvið givið, tí tíðin at bíða eftir at sleppa framat at landa í Føroyum hevur verið ov drúgv.

Føroysk skip landaðu 78.300 tons av svartkjafti uttanlands í fjør.

Í 2019 landaðu føroysk skip 46.700 tons av svartkjafti uttanlands og góð 39.000 tons í 2018.