Tveir sekir í hashmálinum - ein fríkendur

Tveir sekir í hashmálinum - ein fríkendur
Menninir vórðu ákærdir fyri at royna at innflyta 12,7 kilo og næstan eitt kilo av amfetamini inn í landið.
 
16.06.2021 - 19:26

Tveir av teimum trimum monnunum, sum vórðu ákærdir í stóra hashmálinum, vórðu í kvøld funnir sekir í ákærunum. Tann triði maðurin varð fríkendur. 

Menninir vórðu ákærdir fyri at royna at innflyta 12,7 kilo av hashi til Føroya, og fyri at royna at innflyta næstan eitt kilo av amfetamini inn í landið.

Báðar royndirnar miseydnaðust, tí tollvaldið í Íslandi fann tey 12,7 kiloni av hashi, sum skuldu úr Íslandi til Føroya, og tollarar í Havn funnu amfetaminið, ið var í einum bili, sum kom við Norrønu.

Annar maðurin varð funnin sekur í at hava havt ætlanir um at innflyta hashið til Føroya, og hin fyri at hava ætlað at innflyta amfetaminið til Føroya.

 

Ákærdir í øðrum málum

Tveir av monnunum vórðu eisini ákærdir í fleiri øðrum málum.

Tann eini varð funnin sekur í øllum ákærunum, sum vóru seks í tali, og hin varð funnin sekur í teimum flestu av 10 ákærum.

Triði maðurin varð ákærdur fyri at vera við til at royna at innflyta amfetaminið til Føroya, men tað varð hann fríkendur fyri.

Maðurin hevur verið leysur síðani málið byrjaði í november í fjør, tá eisini landsrætturin staðfesti avgerðina hjá Føroya rætti, um at lata mannin leysan, hóast ákæruvaldið var ímóti.

 

Umrøða tók sjey tímar

Tað tók teimum 12 nevningunum meir enn sjey tímar at umrøða málið, áðrenn niðurstøðan var greið.

Tað verður rættarfundur aftur í morgin.

Tá skulu nevningarnir saman við dómaranum taka avgerð um, hvørja revsing teir báðir menninir skulu hava.

Ákæruvaldið krevur minst fýra ára fongsulsrevsing, og í slíkum førum er vanligt við nevningatingi,

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592