Makrelskipini fiska og landa egna veiðu

Makrelskipini fiska og landa egna veiðu
Makrelskipini sigla framvegis eitt og eitt inn við veiðuni, tí framvegis er ólógligt at pumpa fisk millum skip, sum fiska.
 
24.06.2021 - 19:31

Tá Finnur Fríði kom av sínum fyrsta makreltúri í ár, fekk skiparin bót, tí hann hevði fiskað sjálvur OG pumpað makrel frá Tróndi í Gøtu og Gøtunesi umborð á Finn Fríða. Skiparin á Gøtunesi fekk eisini sektaruppskot fyri at hava latið makrel til Finn Fríða. Tað málið liggur í løtuni hjá løgregluni.

Landsstýrismaðurin í fiskivinnumálum boðaði eftir hetta frá, at hann fór at taka stig til at broyta viðurskiftini, tí tað gevur góða meining at skipini pumpa makrel ímillum sín. Kunngerðin sigur, at søkjast skal um loyvi til hetta frammanundan og mannagongdir hjá Vørn siga, at tað skipið, sum tekur makrel umborð frá øðrum, skal ikki fiska sjálvt.

Jacob Vestergaard sigur í dag, at samskifti er millum Fiskimálaráðið og Vørn, og at ein loysn verður funnin í næstum.

Makrelskipini fiska í løtuni norðan fyri Føroyar. Finnur Fríði er á veg inn at landa millum 400 og 500 tons, sum hann hesaferð sjálvur hevur fiskað.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585