Politiið í Føroyum byrjar virksemið í Húsagøtu mánadagin

Politiið er nú farið undir at flyta í nýggja bygningin í Húsagøtu í Havn.

Mánadagin byrjar virksemið hjá politinum í Føroyum har.

Arbeiðið at gera nýggju politistøðina er nógv seinkað 

Dagurin, tá ríkispolitiið skuldi taka við politistøðini við Húsagøtu, var 1.august í fjør.

So bleiv dagurin 1.desember, men byggingin bleiv jólatrøll.

Síðani bleiv 15.mars dagurin, men tá bar heldur ikki til. Næsti flytidagur bleiv ásettur at vera tann 1.mai.

Og so bleiv dagurin 1.juli. Og mánadagin 5.juli letur politistøðin í Húsagøtu upp.

Bygningsstyrelsen keypti gamla BankNordik bygningin frá Tórshavnar kommunu í oktober 2016.

Danska byggifelagið Ommen og Møller fekk arbeiðið at gera politistøðina.

Og arbeiðið byrjaði fyrst í januar 2019.

Bygningsstyrelsen byggir og eigur, og leigar síðani politinum bygningin.