Javnstøðunevndin fingið átalu frá LUM

17.07.2021 - 14:13
AktueltVinna
Javnstøðunevndin fingið átalu frá LUM
Eitt mál um uppsøgn av einum frisørlærlingi, ið var við barn, er kjarnan í átaluni av Javnstøðunevndini
Tilvildarlig savnsmynd
Mynd: Savnsmynd  
 

Javnstøðunevndin hevur fingið átalu frá Løgtingsins Umboðsmanni fyri handfaringina av einum máli um ein frisørlærling, ið bleiv uppsøgd í royndartíðini, meðan hon var við barn. 

Heitt verður eisini á nevndina at viðgera málið av nýggjum. 

Orsøkin er grundleggjandi manglar í málsviðgerðini.

 

Ógrundað uppsøgn?

Tann sum kærdi og arbeiðsgevarin vóru ósamd um orsøkina fyri uppsøgnina og ósamd um, hvat varð sagt og ført fram á fundinum, har uppsagnarskjalið varð undirskrivað. 

Í slíkum førum, tá løntakari verður uppsagdur í viðgongutíðini, áliggur tað arbeiðsgevaranum at prógva, at uppsøgnin ikki var grundað á hesi viðurskifti.

Í niðurstøðuni metti Javnstøðunevndin, at arbeiðsgevarin hevði lyft próvbyrðuna.

 

Málið skal upplýsast nøktandi

Í klaguni til Umboðsmannin vísir klagarin á, at uppsagdi løntakarin ikki var partshoyrdur um ávís skjøl. Og hetta er sambært Umboðsmanninum brot á fyrisitingarlógina, sum áleggur, at um nýggir upplýsingar av týdningi eru í einum máli, skal mótparturin fáa møguleika at gera viðmerkingar til teir. 

Ein fyrisitingarmyndugleiki hevur skyldu til at tryggja sær, at málið er nøktandi upplýst, áðrenn avgerð verður tikin. 

 

Átalan

Út frá umstøðunum í hesum máli, helt umboðsmaðurin, at Javnstøðunevndin í viðgerðini av kærumálinum átti at havt viðgjørt, um málið yvirhøvur kundi upplýsast nøktandi á skrivligum grundarlagi, og um málið var egnað til skrivliga próvførslu ella skuldi verið avvíst.

Tí fær Javnstøðunevndin eina átalu fyri handfaringina av málinum og heitt verður á hana um at taka málið til nýggja viðgerð.

Umboðsmaðurin hevur eisini sent landsstýriskvinnuni í javnstøðumálum eitt skriv, har víst verður á, at tørvur er á at áseta nærri reglur um málsviðgerðina hjá Javnstøðunevndini.

Er kopiera
Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699