Umhugsa at avmarka talið av børnum

Fólkaríkasti landsluturin í India, Uttar Pradesh, umhugsar at avmarka talið av børnum, sum verða fødd. 
Fólkatalið í landslutinum, ikki landinum, er 240 milliónir. Sum skilst, so umhugsa myndugleikarnir ikki at banna fólki at fáa meira enn tvey børn. Ístaðin umhugsa myndugleikarnir at lata fólki ymiskar skattafyrimunir og atgongd til almenn størv bert fyri tey, ið ikki hava fleiri enn tvey børn. 

Umhugsa

Fólkatalið í India veksur við rúkandi ferð. Bert seinastu fimm árini, er fólkatalið vaksið við umleið 100 milliónum. Mett verður at fólkatalið fer upp um 1,4 milliard seinni í ár ella fyrst í næsta ár. 

Fólkaríkasta landið, Kina, hevur havt ein eitt barnspolitikk í nógv ár.