Nýggja havnin liðug í heyst

27.07.2021 - 09:50
AktueltSamfelag
Nýggja havnin liðug í heyst
Trupulleikar vóru við boltunum í akkerunum, sum skulu halda bryggjuni, men nú er semja um, hvussu hendan umvælingin skal gjaldast
Gongst sum ætlað, verður nýggja havnin í Havn liðug um hálvan oktober
Mynd: Faroe Ship  
 

Nýggja havnin í Havn verður ikki tikin í brúk fyrr enn í heyst, um hálvan oktober ella so.

Tað er nýggja ætlanin, sigur formaðurin í Vinnunevndini hjá Tórshavnar kommunu, Kári Johansen.

Sambært ætlanini, sum var undan hesari, skuldi havnarútbyggingin verða liðug nú 1.august. 

Upprunaliga var ætlanin, at fyrsti parturin í útbyggingini, sum var Skansabryggjan, skuldi latast kommununi í oktober í 2019, og seinna helvtin, eystara havnarøkið, skuldi latast kommununi í mai í fjør.

Trupulleikar við boltunum

Millum annað hava verið trupulleikar við boltunum í akkerunum, sum skulu halda bryggjuni. Fyrst bognaðu teir, og síðani slitnaðu nógvir boltar.

Nú er semja um, hvussu hendan umvælingin skal gjaldast. 

Betri trygging rindar ein part, byggifelagið ein, ráðgevararnir ein og kommunan ein part.

Enn er ikki greitt, hvør skal rinda skaðan, sum hendi, tá farmaskipið Tukama Arctica sleit í illveðri í november í fjør og rendi á bryggjuna.

Kári Johansen er formaður í Vinnunevndini í Tórshavnar býráð.
Er kopiera
Nýggjastu sendingar í ÚV
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573