Taka nú oljuna úr Eivindi

03.08.2021 - 06:40
AktueltSamfelag
Taka nú oljuna úr Eivindi
Frystilínuskipið stendur framvegis á Flesjunum. Eivind hevur ikki fingið skaða, men kneysar eru í bæði borð við skrokkin
 

Klokkan hálvgum seks í morgun fór Grønanes undir at taka oljuna úr Eivindi, sum rendi á Flesjarnar fyrrapartin í gjár, upplýsir MRCC í morgun.

Eivind hevur 39.000 litrar av olju. Av tí at hon er í nógvum tangum, teir eru einir átta í tali, tekur eina góða løtu at tøma skipið.

Oljubyrgingar eru lagdar uttan um Eivind.

Veðrið er gott, og tað verður gott næstu dagarnar, so bjargingin hevur sum so ongan skund.

Tá oljan er fingin úr Eivindi, verður avgjørt, hvat so skal henda.

Hevur ikki fingið skaða

Eivind hevur ikki fingið skaða. Kavarar hava kannað botnin, og kjølurin tykist hvíla í fleiri støðum.

Men kneysar eru í bæði borð tætt við skrokkin. 

Tá Eivind verður sleipaður av aftur, skal skipið helst koma beint út aftur, haðani tað kom inn, so skipssíðurnar ikki verða skamfílaðar, upplýsti MRCC í gjár.

Eivind var á veg av Havnini á Kollafjørð eftir útgerð, tá óhappið hendi klokkan 20 minuttir yvir ellivu í gjár.

Øll manningin var ikki við, men teir, sum vóru við, eru enn umborð.

Brimil liggur hjá Eivindi og Grønanesi.

Er kopiera
Nýggjastu sendingar í ÚV
Hósdag 28. oktober
Breddin
130507
Hósdag 28. oktober
Morgunlestur hósdagur 28.oktober 2021
130312
Mikudag 27. oktober
Kvørnin: "Diplopia" við Konni Kass
130479
Mikudag 27. oktober
Nón 27. desember 2021
130471
Mikudag 27. oktober
Breddin
130450
Nýggjastu sendingar í SV
Hósdag 28. oktober
Sjey dagar við Steintóru
130459
Mánadag 25. oktober
3-2
130386
Sunnudag 24. oktober
Andaktin
130329
Hósdag 21. oktober
Hin gloymda oyggin - seinni partur
130217