John Frederiksen fyri Andreas Lava Olsen

John Fredriksen hevur fingið boð til fótbóltslandsdystirnar ímóti Eysturríki og Skotlandi í næstum. Hann avloysir Andreas Lava Olsen, sum hevur givið avboð.

SKU Amstetten-framherjin var við í hópinum til dystirnar í september ímóti Ísrael, Danmark og Moldova, men var ikki á listanum, tá landsliðið varð kunngjørt seinasta mánadag. Nú fær hann kortini kjansin.

HB-bakkurin, Daniel Johansen, er eisini tikin út, og fær síðsta plássið í hópinum.

Hjálparvenjarin, Eli Hentze, segði mánadagin at bíðað varð eftir at síggja, um antin Jákup B. Andreasen ella Heðin Hansen kundu gerast klárir til dystirnar og fáa 23. plássið. Báðir hava verið darvaðir av skaða í seinastuni, og eru also ikki tiknir út. 

Daniel Johansen fekk eisini sein boð til dystirnar í september, tá Viljormur Davidsen og Ári Mohr Jónsson brádliga endaðu í sóttarhaldi.