Niels Áki bestur í Junior DM

11.10.2021 - 17:11
ÍtrótturAnnar ítróttur
Niels Áki bestur í Junior DM
Niels Áki Mørk vann um vikuskiftið Danmarksmeistarastevnuna í veklyfting fyri juniorar. Hann vann bæði gull í 67 kilo vektflokkinum og samanlagt.
Tað gongur væl hjá Niels Áka Mørk í vektlyfting fyri tíðina
Mynd: Privat  
 

Niels Áki Mørk vann í gjár Danmarksmeistarastevnuna í veklyfting fyri juniorar. Hann vann bæði gull í 67 kilo vektflokkinum og kappingina um sinclair-stig, har úrslitini í øllum vektklassunum verða roknað saman í ein bólk.

Ungi havnarmaðurin var einsamallur í sínum vektflokki, so tað gullið var rímiliga trygt. Hann skuldi fyrst og fremst tryggja sær eitt góðkent lyft í hvørjari av teimum báðum greinunum, trekk og stoyt.

Men harumframt fór hann eftir at lyfta upp til sítt besta og setti tá bæði føroyskt og persónligt met í trekk, stoyt og samanlagt. Vinnaralyftini hjá Niels Áka vóru 85 kilo í trekk og 105 kilo í stoyt. Samanlagt 190 kilo.

Fyri tveimum vikum síðani luttók 19 ára gamli nýkosni junior danmarksmeistarin, sum eisini er junior komandi ár, saman við seks øðrum føroyingum í senior DM. Tá vann hann eitt silvurheiðursmerki.

Niels Áki Mørk kappast í Danmark fyri danska felagið AK Atlas, men býr og venur í Føroyum, har hann er partur af Styrkifelagi Føroya, ið er landsdekkandi felag fyri fleiri styrkiítróttir. Frank Petersen, venjari í AK Atlas og hjá danska kvinnulandsliðnum, venur føroyingarnar.

Er kopiera
Nýggjastu sendingar í ÚV
Mikudag 20. oktober
LEITISSTEIN 19.10.2021
130164
Mikudag 20. oktober
Nón 20. oktober 2021
130160
Mikudag 20. oktober
Góðan morgun Føroyar 20.10.2021
130137
Týsdag 19. oktober
Óhoyrt - Rapplegendur og slóðbrótarar
130115
Nýggjastu sendingar í SV
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065