Laschet leggur frá sær

17.10.2021 - 15:02
AktueltÚtheimurin
Laschet leggur frá sær
CDU ásannar, at flokkurin hevur mist stjórnarvaldið í Týsklandi
Armin Laschet ætlaði at gerast samveldiskanslari í Týsklandi, men flokkur hansara hevði stóra afturgongd á valinum herfyri.
 

Armin Laschet, sum var kanslaraevni hjá CDU til valið í Týsklandi, vil hava flokkin endurnýggjaðan, og hann vil eisini nýggja floksleiðslu.

Tað segði hann á eini røðu á landsfundinum hjá ungdómsfelagsskapinum hjá CDU.

Samstundis leggur Armin Laschet frá sær sum forsætisráðharri í landspartinum Nordrhein-Westfalen. Tað hevur alla tíðina verið ætlanin. 

Samráðast um nýggja stjórn

Í hesum døgum sita sosialdemokratarnir, SPD, í samráðingunum við Tey grønu og Fríu demokratarnar um eina samgongustjórn. Spyrst ein samgonga burturúr, er mest sannlíkt, at leiðarin í SPD, Olaf Scholz, verður nýggjur samveldiskanslari.

CDU stendur til at missa valdið eftir søguliga vánaliga valið hjá flokkinum. Angela Merkel, samveldiskanslari, sum eisini hevur verið leiðari í CDU, hevur havt stjórnarvaldið í 16 ár. 

CDU fekk 24,1 prosent av atkvøðunum á valinum. Sosialdemokratarnir gjørdust størsti flokkur við 25,7 prosentum av atkvøðunum. 

Er kopiera
Nýggjastu sendingar í ÚV
Týsdag 5. juli
Pápi mín og eg: Vanja og Victor
141841
Týsdag 5. juli
Summarmorgun 050722
141840
Týsdag 5. juli
Morgunlestur týsdagur 5. juli 2022
141653
Mánadag 4. juli
Summarmorgun 040722
141790
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573