Kvinna flutt á Landssjúkrahúsið til kanningar

Ein kvinna er flutt á Landssjúkrahúsið til kanningar eftir eitt ferðsluóhapp í rundkoyringini í Eysturoyartunlinum seinnapartin. 

Tunnilin er nú opin aftur fyri ferðslu, eftir at løgreglan kl. 13.45 stongdi tunnilin fyri at fáa arbeiðsfrið.

Løgreglan sigur, at bilurin fór illa, men aðrir bilar vóru ikki í óhappinum.

Listarverkið hjá Tróndi Paturssyni, Dansiringurin, í rundkoyringini fekk eisini skaða í óhappinum.