G7-leiðarar mæla til loysn á kreppuni í Iran

Leiðarnir í G7-londunum hava sent út yvirlýsing, har teir mæla til, at ein loysn verður funnin á kreppuni í Iran, ein loysn, sum hevur við sær, at fíggindaskapurin í  Miðeystri so líðandi minkar, og at vápnahvíld fæst í Gasa.

Í yvvirlýsingini leggja G7-leiðararnir dent á, at Ísrael hevur rætt til at verja seg í skjótt vaksandi stríðnum í Miðeystri. 

Samstundis verður endurtikið, at Iran undir ongum umstøðum má fáa hendur á kjarnorkuvápnum. Hetta skriva fleiri altjóða miðlar, teirra millum CNN.

Trump farin av fundinum

Amerikanski forsetin, Donald Trump, fór av G7-toppfundinum fyri tíð.

Sambært Hvítu húsunum er orsøkin støðan í Miðeystri. Donald Trump skuldi eftir ætlan eisini vera við á toppfundinum í dag. 

Á sosiala miðli sínum, Truth Sosial, mælir amerikanski forsetin øllum til at fara úr Iranska høvuðsstaðnum, Teheran.