Iran vil ikki menna kjarnorkuvápn

Iranski forsetin, Masoud Pezeshkian, sigur, at landið hvørki vil hava ella byrjaði kríggið.  

Iran vil heldur ikki menna kjarnorkuvápn, sigur forsetin.

- Men vit hava rætt til at hava kjarnorku og at granska í henni, segði Pezeshkian á fundi í tjóðartinginum í dag, sambært almennu tíðindastovuni Irna.

Ísrael vil vera við, at Iran er farið undir at menna kjarnorkuvápn, og hevur brúkt tað sum orsøk til at leypa á Iran.

Myndugleikarnir í Iran vísa hesum aftur og siga, at kjarnorkuætlaninar hjá Iran eru bara til friðarlig endamál.