Bústaðir: Tveir stýrislimir taka frástøðu frá formanninum

20.10.2021 - 16:01
AktueltPolitikkur
Bústaðir: Tveir stýrislimir taka frástøðu frá formanninum
Emmy Joensen og Una Joensen siga, at arbeiðshátturin hjá stýrisformanninum er ábyrgdarleysur og brýtur niður
Stýrið fyri Bústaðir. Uttast til høgru á myndini eru Emmy Joensen og Una Joensen.
 

Emmy Joensen og Una Joensen, tveir av stýrislimunum í Bústøðum, hava júst sent út hvassorðað tíðindaskriv, har tær taka frástøðu frá sjónarmiðum, sum stýrisformaðurin, Regin Hammer, hevur ført fram.

Tær siga millum annað, at tær harmast ta herferð og tann sálarliga ágang, sum formaðurin í løtuni koyrir ímóti Bústøðum, stjóranum, leiðarum og øllum starvsfólkunum.

Tær vísa á, at við síni skriving og útsøgnum vísir formaðurin, at hann ikki hevur álit á stjóranum og starvsfólkunum.

Hava ongantíð havt gjaldføristrupulleikar

Emmy Joensen og Una Joensen skriva:

- Tá ið formaðurin sigur at “Bústaðir stevna beint ímóti nýggjum gjaldsføristrupulleikum úti í sjónarringinum” er hetta ikki rætt. Bústaðir hava ongantíð havt gjaldsføristrupulleikar, og einki grundarlag er fyri páhaldinum um, at Bústaðir í framtíðini fara at hava gjaldføristrupulleikar.

At enda skriva tær:

- Vit halda, at verandi arbeiðsháttur hjá formanninum er ábyrgdarleysur og niðurbrótandi og má broytast, um Bústaðir aftur skulu arbeiða professionelt og konstruktivt. Soleiðis ber ikki til at arbeiða - hvørki í einum almennum grunni ella einum partafelagi. Tað er okkara vón, at stýrið fyri Bústaðir aftur verður virkisført.

Sí alt skrivið frá Emmy Joensen og Unu Joensen her

Emmy Joensen og Una Joensen siga í skrivinum, at arbeiðshátturin hjá Regini Hammer, stýrisformanni, er ábyrgdarleysur og niðurbrótandi, og má broytast.
Er kopiera
Nýggjastu sendingar í ÚV
Mánadag 29. november
Við Tórði á túri á Ískaiini í Havn
131976
Mánadag 29. november
Nón - 29. november 2021
131974
Mánadag 29. november
Norðurljóð 29.november 2021
131867
Mánadag 29. november
Hvønn veg skulu vit fara?
131959
Mánadag 29. november
Vit ovurnýta ein, eina og eitt
131951
Nýggjastu sendingar í SV
Mánadag 29. november
Kongoránið
131988
Mánadag 29. november
3-2
131987
Mánadag 29. november
VIDEO: Ræst kjøt á ein øðrvísi hátt
131492
Sunnudag 28. november
Hvør veit?
131925